Bangud sang wala pag-intiendihanay, ginbuno kag napatay sang 25-anyos nga lalaki ang iya tiyo sa Purok San Miguel, Barangay Sum-ag sa syudad sang Bacolod, sadtong Lunes, Agosto 18.
Nakaangkon sang madamo nga buno ang 44-anyos nga biktima kag gindala sa isa ka ospital apang siya ang gindeklarar nga dead on arrival.
Suno kay Police Capt. Andy Ofalia, hepe sang Bacolod Police Station 9, nadakpan ang suspek kag siya ang napasakaan sang kaso nga murder, kahapon, Martes.
Sandig sa imbestigasyon, nagapungko sa lamesa ang biktima sa sulod sang iya ginarentahan nga boarding house sang siya ang ginbuno sang suspek gamit ang kutsilyo.
Detained karon ang suspek sa custodial facility sang Station 9.