Tuga sang mabunok nga ulan, pila ka mga pumuluyo sa siudad sang sagay ang gin evacuate kagab i bangud sang pagbaha.
Sa report sang Sagay City Disaster Risk Reduction Management Office, las sais sang gab i saang nagsugod ang pag tupa sang mabunok nga ulan.
Nag awas ang tubig sa Tan-ao River flood protection structure sa Barangay Old Sagay.
May 24 ka mga pamilya ang na rescue kag gin evacuate gikan sa pito ka mga barangay bangud sang pagtaas sang tubig.
May motorcycle driver nga na anod sang magtabok sa overflow pero ini siya ang na rescue. Na missing naman ang motorsiklo.
Suno kay Wally Afuang ang pamuno sang CDRRMO Sagay, as of press time, sa mga gin-evacuate may yara pa sang nagkalabilin sa evacuation center.
Samtang sa San Carlos City naman nag patigayon ang siudad kaina sang aga sang clean up operation sa waterways sakop sang Barangay 1.
Kahapon ginpatigayon ang pre emptive evacuation sa mga pumuluyo nga naga puyo sa nanub-an nga bahin sang amo nga barangay.