Sa iya ika 55 nga kaadlawan, gin siling ni Mayor Greg Gasataya nga wish niya ang madasig nga pagbalik sang kuryente, internet connection, kag 24/7 nga suplay sang tubig sa tanan nga panimalay sa Bacolod, kag ang padayon nga maayong lawas para sa tanan.
Ginpahayag man ni Gasataya nga nag request na sa iya opisina ang PLDT agud maka-assign sang tawo sa Bacolod City Government Center para mag-accomodate sang tanan nga reklamo kag concerns may kaangtanan sa ila serbisyo.
Dugang pa sang alkalde, bukas ang BCGC Lobby para sa tanan nga telco providers nga luyag magtukod sang ila help desk agud mas mapadasig ang komunikasyon kag pag-asikaso sa reklamo sang konsumedor.
Suno sa alkalde, handa ang syudad nga maghatag sang lugar sa BCGC nga magaserbe bilang lugar para sa direkta nga pag atubang sa concerns, updates, service restoration timelines kag on-the-spot assistance.
Ginahaylo ni Gasataya ang tanan nga telco companies nga mag pakigbahin agud masiguro nga ang mga Bacolodnon may yara sang accessible kag masaligan nga suporta.*