Wala ma-terminate sang pila ka mga kooperatiba ang 239 tanan ka mga traditional jeepney nga nagpaidalom na sa consolidation humalin sang ginpatuman ang Local Public Transport Route Plan sang Bacolod LGU.
Gani agud nga matagaan sila sang kahigayunan nga mabiyahe ang ila mga traditional jeepney, nag-issue sang stickers nga QR coded ang Land Transportation Franchising ang Regulatory Board para sa ila.
Ginsiling ni City Administrator Lucille Gelvolea ginakinahanglan sang mga kooperatiba nga maislan ang 239 ka traditional jeep sang modernized bus tubtob Disyembre 31, kasubong sang ginhatag nga deadline sa linibo pa ka mga traditional jeepney operators kag drivers nga nagpaidalom sa consolidation.
Samtang, personal nga ginpalab-ot ni Vice Mayor El Cid Familiaran sa House of Representatives ang resolution sang konseho nga nagahinyo sa kongreso kag senado para mapadasig ang pag-pasar sang tikang agud matagaan kasolbaran kag mapahagan hagan ang epekto sang problema angut sa ginapatuman nga transport modernization program sang Department of Transportation.