Sa April 27 nga report sang Provincial Incident Management Team, walo sa 31 ka mga banwa kag siudad sa probinsya ang may isa ukon duha ka active Covid – 19 cases nga na report.
Ini ang naga lakip sang La Carlota City kag Talisay City nga may tig duha ka kaso.
Isa naman ka active nga kaso sang Covid ang na record sa Bago City, Binalbagan, Cadiz City, Escalante City, Kabankalan City kag San Carlos City.
Sa April 27 nga report, napulo ang active case sa kabilugan kag duha ang na record new cases.
Samtang, padayon ang paghaylo sang Provincial Health Office sa mga wala pa maka pabakuna nga mag pabakuna na para mapangapinan ang kaugalingon kontra Covid-19.
Nagapadayon man ang booster shots sa karon sa may mga co-morbidities.
Damlag pa nag paandam ang OCTA Research sang posible pagsaka sang kaso sang Covid-19 sa pungsod sa tion nga mag sulod ang sub variant sang Omicron sa pungsod.