Nasapwan nga patay sa sulod mismo sang patyo sa Barangay Granada sa Bacolod City kahapon ang isa ka lalaki nga gin laslas ang liog kag gin girian pa ang tiyan.
Sang maabtan sang iya utod, naga higda sa babaw mismo sang pantyon ang biktima nga gin kilala nga si Darwin Nunez, 22 anyos.
Suno kay Captain John Christopher Masangkay, hepe sang Police Station 5, ang upod ni Nunez ang nanugid nga Martes sang gab-i sang ulihi niya makaupod ang biktima nga may gin baligyaan nga duha ka persona sang marijuana sa sulod sang patyo.
Gindugang pa sang witness suno kay masangkay nga iya nabatiaan nga nagapakitluoy si Nunez gani nag palagyo ini bangud sa iya pinsar gin buybust ang iya upod.
Patay na sang pag kasunod nga adlaw sang nasapwan si Nunez. Natukiban man suno kay masangkakay nga may na recover nga helmet nga iya sang amay sang napabusong sang witness.
Ang witness ang damlag pa nag baton sang pag pamahog suno kay Masangkay gani dako ang posibilidad nga siya amo kun tani ang tuyo nga patyon kag nasal-an lang si Nunez.