Masobra sa 200 ka mga job order workers, casual kag contract of service sa probinsya ang wala natigayon renew para sa 2024.
Majority sa 212 nga wala na renew bangud sang ila nga performance. Ini suno kay Provincial Administrator Rayfrando Diaz nga nagsiling man nga nalakip man sa 212 ang mga nag positibo sa pag gamit sa iligal nga droga.
Sa job order workers, 1,044 ang na renew sa 2024 gikan sa 1,144 sang 2023, sa COS naman, 770 ang na renew gikan sa 862 sang 2023 kag sa casuals, 681 gikan sa 704 sang 2023.
Pun-an sang probinsya ang nabakante sa mga pwesto kag subong padayon ang hiring. Dala na diri suno kay Diaz ang mga position sa EEDD labi na sa food terminal market nga gina paabot maga full swing na ang operation, Negros Residences nga karon na accredit na sa Department of Tourism, kasubong man sa Mambukal Resort and Wildlife Sanctuary.