Shadow

21 ka mga pasahero sa puerto kag airport nagpositibo sa Covid-19 surveillance testing sang Bacolod EOC

YouTube player

Ginbuksan sang Emergency Operations Center ang duha ka dugang nga isolation facility sa Bacolod para sa 21 ka mga pasahero nga nagpositibo sa Covid-19 makaligad ang tatlo ka adlaw nga Covid-19 surveillance testing sa mga seaport kag sa Bacolod-Silay Airport sang wala pa naga require ang Bacolod sang RT-PCR test sa mga fully vaccinated.

Kun asymptomatic ukon wala sang ginapakita nga sintomas, sila ang magapaidalom sa 10-day quarantine sandig sa panibag-o nga guideline sang Inter-Agency Task Force.

Suno kay Em Ang, executive director sang EOC, kadam-an sang mga pasahero nga nagpositibo sa rapid antigen test kag RT PCR test may mga travel history.

Ang surveillance testing nangin kabahin sang tikang sang siudad para mapunggan ang pagsaka sang Covid 19 cases.

Dugang diri ang pag submit sang negativeRT-PCR test sa spass application sang mga inbound passengers nga halin sa mga lugar nga napaidalom sa alert level 3 sandig man sa executive order sang alkalde.

Ginapabaskog man sang EOC ang booster dose vaccination sa siudad. Kaina mga katapo ang simbahan upod diri mga kaparian kag mga lay minister ang ginkadtuan sang vaccination team
sa Lupit Church.

May yara man sang booster shots para sa mga empleyado sang siudad sa Bacolod City Government Center.

Secured By miniOrangeSecured By miniOrange