NIR proposed budget para sa 2026 yara sa P105.3B
Yara sa P105.3B ang proposed budget para sa Negros Island Region sa 2026.
Suno kay 6th District Representative Mercedes Alvarez ini ang na submit sa National Expenditure Program ukon NEP para sa Fiscal Year 2026.
Base man sa 2026 NEP ang budget para sa Region VI yara sa P198.74B.
Sang 2025 yara sa P236.59B ang budget sang Region VI base sa General Appropriations Act ukon GAA sandig sa datus nga gin hatag ni Alvarez.
Kun ipaanggid sa 2025 nagnubo ini sa P37.8B karon.
Ang Region VII naman nga budget para sa 2026 ang yara sa P234.94B.
Kun ipaanggid sa 2025 budget nag nubo ini sang P21.58B.
Sa 2025 GAA yara ini sa P256.52B.
Suno kay Alvarez ang decrease sa appropriations para sa Region VI kag VII tuga sang pagsaylo sang Negros Occidental, Oriental kag Siquijor sa NIR.
Sadto anay ang Negros Occidental kabahin sang Region VI kag ang Oriental kag Siquijor naman kabahin sang Region VII.
Pero kun tingbon naman ang budget para sa tatlo ka rehiyon ang bilog nga kantidad naga pakita nga may increase.
Suma total ini ang nagdangat sa P539.05B.
Ang Department of Budget and Management ang naka submit na sang 6.796 trillion pesos nga 2026 NEP sa House of Representatives.
Nalakip na diri ang budget sa tatlo ka Visayas Region.