Sini lamang nga hapon tigayon na nga napasar ang 6.4 billion pesos nga 2025 budget sang Negros Occidental.
Sa 6.4 billion pesos, 6.2 billion pesos ang para sa General Fund kag 254.4 million pesos para sa Economic Enterprise Development Department ukon EEDD nga isa ka special account sa idalom sang General Fund.
Si Finance Committee Chair, Rommel Debulgado ang nag present sang committee report.
2.094 billion ukon 33.77 percent ang napain para sa personnel services sa mga opisina lakip na ospital.
1.6 billion naman ukon 26.83 percent ang para sa MOOE ukon maintenance ang other operating expenses. 2.4 billion naman ukon 39.24 percent sang budget ang napain para sa Special Purpose Appropriations.
Suno kay Debulgado, responsive ang executive budget para sa na disenyo nga mga proyekto sa idalom sang Abanse Negrense Program.
Ang pag pasar sini tigayon nga maka padayon sang mga programa nga naplastar na kag natalana pa.