Masobra sa P944M ang business tax collection sang Bacolod LGU gikan sa mga nagkalain-lain nga negosyo sa siudad sang nagligad nga tuig.
Nagalab-ot naman sa P383M ang nakolekta sang City Treasurer’s Office gikan sa real property tax.
Ginpahayag ni City Treasurer Gary Gecosala nga ang kapin sa P1.3B nga collection sang 2024 ang sarang pa malabawan karon nga tuig.
Ini kun basehan suno sa iya ang 61 percent increase sa business kag real propert tax collection karon nga tuig.
As of February, may masobra na sa P1B ang nakolekta sang siudad paagi sa ginpatigayon nga business one-stop shop kag collection gikan real property taxes.
Gindugang ni Gecosala nga halos indi mabatyagan ang epekto sang ginapatuman nga Real Property Valuation and Assessment Reform Act ukon RPVARA nga nagahatag sang amnesty sa mga unpaid real property taxes ang nagasaka nga annual collection sang siudad karon nga tuig.