4 million pesos nga mas mataas ang nangin sales sang Procurement Service Depot sang Negros Occidental sa 2022 sang sa 2021. Sa patag naman sang collection, 2.6 million pesos nga mas mataas ang nakolekta sang 2022 kun ipaanggid sa nagligad nga tuig.
Suno kay Provincial Adminstrator Rayfrando Diaz, na surpass ukon nalapawan sang Procurement Service Depot ang 2021 nga performance sini kag ini kasunod sang pagpatuman sang centralized apps.
Ini ang nagtuga sang mas masulhay nga dalagan sang tanan humalin sa delivery gikan sa Manila padulong sa pagdul-ong sa mga natungdan nga talapan kag iban pa gid nga ahensya.
Wala labot sini suno kay Diaz, tigayon na nga na reconcile ang mga 10.6 million pesos nga balor sang transaction sang probinsya sa PS Depot sa Manila.
Paathag ni Diaz ini ang naga tumod sa na pa gwa na nga bayad sang probinsya humalin pa sang 2014, pero wala nabaton ang natungdan nga mga deliveries. Sang December 2022, nabalik na sa probinsya ang 10.6 million pesos.