Ginpahayagq ni Bacolod City Mayor Greg Gasataya nga target nga makuha sa Mandalagan River bilang kabahin sang ginapatigayon nga river rehabilitation project ang 20,000 cubic meters sang balas kag lunang.
Suno sa alkalde, base sa survey sang Agosto 2025, tuman na kanabaw sang suba kag mahinay ang pag-ilig sini kag gina lantaw nga isa ini sa mga kabangdanan sang pagbaha.
Dugang pa ni Gasataya ang Mandalagan River nagaserbe bilang main catchment area sang walo ka creek halin sa mga Barangay sang Mandalagan, Estefania, Bata, Villamonte, Montevista kag 1 nga naga-ilig padulong sa suba.
Ang operation ginapatigayon gamit ang amphibious dredger halin sa DPWH, samtang ginahulat pa ang dugang nga kagamitan nga ginbakal kag ginpangabay sang LGU agud mapadasig ang trabaho.
Padayon man ang clearing kag desilting sa Banago River.
Dugang pa ni Gasataya nga science-based ang proyekto kag ginatuyo sini nga masolusyunan ang problema sang pagbaha sa siudad.*