Sa unhan lang sang VMC Distillery sa Sitio Pili sa Barangay Purisima sa banwa sang Manapla makit an ang daw resort nga fishpond sang bioethanol plant.
Malayo sa anay waste water lagoon nga ginareklamu sadto sang mga residente tungod sang malain nga baho kag higko nga nagalab ot sa Sicaba River.
Suno sa pamunuan sang planta, natagaan na sang aksyon ang reklamu angut sa air pollution paagi sa 200 million pesos nga pondo nga ila gingamit para sa pag upgrade sang mga proyekto sa environmental protection kag mitigating measures.
Agud mapasiguro ang zero waste generation nagtukod ang komboyahan sang anaerobic digester nga amo ang naga minimize sang baho nga gikan sa planta kag man made pool para sa liquid fertilizer nga ila ginahatag sang libre sa may 50 ka mga farmer organizations.
Suno sa tagdumalahan sang planta ila na natagaan sang kalubaran ang mga problema nga napadangat halin sa land dispute kag environmental kag health concerns.
Plano man karon sang VMC Distillery nga itukod P50 million biomass power plant project sa madasun nga tuig para mapasanyug pa ang ila commitment para sa pag gamit sang renewable energy agud mas maamligan ang palibot.