Ginsiling ni Bacolod City Mayor Greg Gasataya, mangin venue sang mass wedding amo ang Bacolod City College. Suno sa alkalde, ginlimitahan lang nila ang kadamuon sang mga pares sa 202 ka couples agud mas mangin solemn kag organisado ang seremonya.
Dugang pa niya nga ang ini nga aktibidad ang tinuig na nga tradisyon sang siudad para mabuligan ang mga Bacolodnon nga legal nga makasal nga wala sang may ginabayaran.
Ginklaro man sang alkalde nga ang tanan nga gasto sa kasal, lakip na ang mga dokumento, ang prekorahon sang siudad.
May mga mass wedding man nga ginapatigayon sa mga nagkalain-lain nga barangay agud mas mangin malapit ang serbisyo sa pumuluyo.
Ang nasambit nga “Kasalang Bayan” ang kabahin sang selebrasyon sang Civil Registration Month subong nga Pebrero, nga nagatuyo nga pabaskugon ang pundasyon sang pamilya sa siudad sang Bacolod.*
[sibwp_form id=1]