20 sa kabilugan ang nagpositibo sa pag gamit sang iligal nga droga base sa resulta sang drug test nga ginpatigayon sang Kapitolyo Probinsyal.
Suno kay Provincial Administrator Rayfrando Diaz, sa masobra 2,300 nga nag paidalom sa drug testing sa nagligad nga December 11 kag 12, 19 ang nag positibo sa pag gamit sang shabu kag isa ang nagpositibo sa pag gamit sang marijuana.
Wala labot sa 20, may 16 ka iban pa nga ang ila resulta nakitaan nga may yara sang “faint traces” sang shabu. Suno kay Diaz, ang resulta sang 36 nga naga lakip sang mga nagpositibo kag sang mga may yara sang faint traces sang shabu ang ipaidalom sa confirmatory test. Mga isa ka semana suno sa iya kag mag gwa ang resulta. May mga ngalan na sang natungdan nga persona si diaz kag napahibalo na ang gobernador bahin diri.
Dugang pa ni Diaz base sa resulta kinahanglan ang regular nga testing para mapasiguro nga ang workplace drug free kag ang mga naga pangalagad sa publiko ang yara sa nagakaigo nga kondisyon.
“I also informed Gov about this and we already talked nga ang mga COS, JOs kag casuals that will be found positive will no longer be renewed. Ang aton naman regular employees nga mag positive will be subject to administrative proceedings”, suno kay Diaz.