May basehan na ang Land Transportation Office sa pagpasaka sang administrative sanctions sa 20 ka transport workers matapos sila ang liwat nga nag-positibo sa confirmatory drug test.
Sadtong Enero 29, nagpatigayon sang Oplan Harabas ang nagkalain-lain nga ahensya sang gobyerno sa Dumaguete City kun diin ginpaidalum sa surprise drug test ang 193 ka transport workers sa Negros Oriental.
Nagpositibo sa pag-gamit sang droga ang 20 ka mga persona. Katorse sa ila ang truck drivers, isa ang truck helper, isa ka jeepney driver, tatlo ang tricycle drivers kag isa ang e-trike driver.
Suno sa LTO-Negros Island Region, gin-validate sang confirmatory findings ang initial screening result kag ini ang ila mangin basehan sa ipasaka nga penalidad sa idalum sang existing regulations, batok sa mga nag-positibo nga transport workers.
Magapadayon ang kaangay nga inter-agency operations agud mapasiguro ang road safety kag mapabilin nga drug-free ang public transport, suno pa sa LTO.*
[sibwp_form id=1]