Nagpatigayon sang road clearing and towing operations ang katapo sang Bacolod City Legal Office kag Bacolod Transport and Traffic Management Department ukon BTTMD sa Circumferential Road sakop sang Barangay Bata sang Huwebes nga adlaw.
Pito ka mga illegal structures ang tigayon nga napang-guba sang CLO samtang 19 naman ka salakyan kag mga motorsiklo ang ila nga nadakpan kag na tow.
May lima pagid ka mga salakyan nga nagabalabag sa amo nga dalan ang ginhatagan man sang BTTMD sang notice.
Suno kay Levy Pangue, pamuno sang CLO Enforcement Team, ginpang impound ang nasambit nga mga motorsiklo bangud wala ini sang mga nagakaigo nga dokumento, samtang ang iban naman ang nagabiyahe pero wala sang business permit.
May duha man ka persona nga naga-angkasanay sa motor ang ginparahan sang BTTMD bangud wala sang suksuk nga helmet ang sakay diri, apang wala sila magpondo.
Sa unhan, may Highway Patrol Group kag nadakpan ang duha. Nakuha sa drayber ang isa ka tooter nga ginapatihan bag-o lang nagamit sa iligal nga aktibidad.
Nakapalagyo naman ang angkas sini. Gin-ako man sang drayber nga may dala nga droga ang iya upod nga nakapalagyo.
Sa karun, yara sa kustodiya sang Police Station 10 ang drayber kag ipaidalum siya sa drug test.
Sa record sang BTTMD may kapin sa 100 na ka mga colorum nga motorsiklo ukon mga nagabyahe nga wala sang business permits ang ila na impound sang tinalikdan nga bulan.*
[sibwp_form id=1]