Ginabulubanta naglab-ot sa P3,000,000.00 ang halit nga gintuga sang sunog nga nagluntad sa Purok Interior, Barangay 18 sa siudad sang Bacolod nga naglab-ot sa 3rd alarm sang Sabado sang aga.
Sa record sang Bureau of Fire Protection, 19 ka mga balay ang totally destroyed samtang isa naman ang partially damaged.
Suno kay Bacolod City Fire Officer 2 Rolin Paulan, arson investigator sa ila inisyal nga imbestigasyon, nasunog nga linya sang kuryente ang gin halinan sang kalayo.
Nagwa sa imbestigasyon sang BFP nga ang kalayo ang nagsugod sa ikaduha nga panalgan sang balay nga ginapanag-iyahan ni Encarnacion Rodriguez.
Wala sang napilasan sa nagluntad nga sunog.
Naghatag na ang siudad sang inisyal nga bulig sa mga nasunogan. Ang iban sa ila ang amat-amat na nga nagbiya sa evacuation center.