Duha pilason lakip na ang isa ka empleyado sang banwa matapos ginpaarakan lupok ang ila salakyan sa La Castellana.
Padayon karon nga ginabulong sa ospital ang empleyado sang La Castellana nga si Shem Job Galimba pati na ang iya sini iloy matapos maiguan sang bala sang gin paarakan lupok ang ila salakyan sini nga adlaw sa dalan bahin sang Barangay Robles.
Suno kay La Castellana Mayor Rhumyla Nicor-Mangilimutan, sandig sa initial report nga iya nabaton, nagadalagan ang salakyan sang iya empleyado sang hinali sila nga gin banggaan sang mga persona nga may dala sang saging.
Posible tuyo kuntani sang mga ini nga i-hold-up sanday Galimba. Ginpalukpan ang ila sini salakyan sang makapila ka beses sang ginabulubanta anum tubtob walo ka mga suspetsado.
Si Galimba kag iya iloy nga sakay sa front seat amo ang naigu sang bala, samtang ang tatlo naman nga sakay sa likod ukon back seat lakip na isa ka lapsag ang nakaluwas sa bala. Padayon ang imbestigasyon pa karon sang PNP.