Ginbawian sang kabuhi ang rider kag iya back-rider matapos makabunggo ang ila ginasakyan nga motorsiklo sa center island post sa Lopez Jaena Street, malapit sa isa ka bangko sa Barangay Villamonte, Bacolod City, kaina sang kaagahon.
Sakay sa Honda Click nga motorsiklo ang mga lalaki, kag pareho naga-edad 21-anyos, kag residente sang Handumanan kag Felisa sa Bacolod.
Sandig sa traffic investigation, nadulaan sang control ang driver, nakabunggo sa sementado nga center island post kag sila ang natumba.
Bangud sang impact, nakaangkon sang head injuries ang duha ka mga lalaki, rason sang ila kamatayon.
Suno sa police report, nagresponde ang mga ambulance sang Barangay Villamonte kag Chamber sa lugar sang insidente apang wala na sang signs of life ang duha.