Patay ang 70 anyos nga si Ricardo Divinagracia nga sakay sa bisekleta matapos ini mabungguan sang kahapon sang bus sang Vallacar Transit sa highway sakop sang Barangay Guinhalaran sa Silay.
Suno kay Lt Col Robert Petate, hepe sang Silay PNP, nagadalagahan sa pareho nga lane ang bisekleta ni Divinagracia kag ang bus.
Hinali lang suno kay Petate nga nag left turn ang bike gikan sa outer lane gani ini ang nabungguan sang bus nga yara naman naga dalagan sa inner lane.
Gin detain ang driver sang bus kag Desidido ang pamilya nga mag pasaka sang kaso batuk sa iya.
Nag hatag man sang financial assistance ang tagdumalahan sang Vallacar Transit sa nabungguan kag sila ang nakig angut naman sa pamilya agud makita sa CCTV sang bus ang natabo nga pag bunggo.
Samtang, patay man ang nagadala sang motorsiklo nga si Jemar Panes matapos ini mag rekta kag mag bunggo sa truck nga may karga nga tubo sang Sabado sang gab-i sa highway sakop naman Barangay E. Lopez.
Suno kay petate na flatan sang goma ang truck kag ini ang may yara man sang early warning device pero posible wala ini makita sang biktima bangud sang kadulom sa lugar gani siya ng nag rekta kag nabunggo.
Dead on the spot si Panes bangud sang pag bunggo. Desidido man ang pamilya sang biktima nga mag pasaka sang kaso suno sa pulis.