Duha patay sa separado nga shooting kag stabbing incident sa Bacolod kahapon.
Patay ang isa ka security guard matapos ini ginluthang kagab-i samtang naga papuli sa kilid sang dalan sa Puentebella Subdivision sa Barangay Taculing.
Ang biktima amo si Joeser Jarabilla, 51 anyos kag gwardiya sa BREDCO port. Suno kay Captain Dax Santillan, hepe ang Police Station 6, nagalakat lang ang biktima sang ini ang gintiro sang suspek sakay sa salakyan.
Posible may kaangtanan sa iya trabaho amo ang motibo sa pag paniro suno sa Pulis. Padayon pa ang ila imbestigasyon. Samtang patay man kahapon ang 48 anyos nga si Jerald Mirasol matapos nga gin pulihan buno sang mag-amay nga sanday Brix kag Rolly Domingo sa Purok Mahimulaton sa Barangay Banago.
Suno sa PNP, gin resbakan sang mag-amay ang biktima matapos nga mag hibi ang 19 anyos nga si Brix sang sila ang mag sunluganay ni Mirasol antes natabo ang pag pamuno. At large sa karon ang mag-amay.