Shadow

2 patay sa separado nga insidente sang pagka lumos

Murcia PNP photo

Patay na sang masapwan kahapon sang aga ang 58 anyos nga si Dionisio Malunes matapos malumos sa bago river sa bahin sang Barangay Lopez Jaena sa banwa sang Murcia.

Sa imbestigasyon sang Murcia PNP, naga pamunit lang sa suba sang Sabado si Malunes sang siya ang hinali mahulog kag malumos.

Pagkasunod nga adlaw, patay na sang makita si Malunes.

Samtang, isa ka wala pa makilal-an nga lalaki ang nasapwan man nga naga utaw utaw sa isa ka beach resort sa Barangay Pta Taytay sa Bacolod kahapon.

Suno kay Major Ritchie Gohee, pamuno sang Police Station 9, nakita sang mga nagapaligo sa baybay ang bangkay kag ila lang ini gindala sa kilid sang baybay.

Ang biktima ang suno sa pulis ang ulihi nakita nga naga inom sa kilid sang baybay upod sang duha ka persona kag siya ang nabilin sa baybay.

Wala pa tubtob sa karon sang may nag claim nga pamilya sa bangkay suno kay Gohee.

Secured By miniOrangeSecured By miniOrange