Duha ka sakay sa motorsiklo patay sa separado nga insidente sang pagbungguanay.
Na patay sang kahapon sang kaagahon ang naga angkas sa motorsiklo nga si John Francis Jake Perez samtang pilason naman ang iya upod nga si Jerel Matias matapos mabungguan sang delivery van ang ila nga motor sa highway sa Barangay Poblacion banwa sang Valladolid.
Sa imbestigasyon sang PNP, pareho nga yara sa lane ang van kag ang motor sang hinali na lang mabungguan sang van ang likod sang motorsiklo.
Dead on arrival si Perez samtang padayon naman nga gina bulong ang nagadala sang motor. Gin detain man ang driver sang delivery van.
Samtang, patay man ang nagadala sang motor nga si Daryl Daqueza matapos mabungguan sang salakyan sang Biyernes sa Barangay Zone 12-A sa Talisay City.
Suno sa pulis, mahimo na piyungan ang senior citizen nga driver sang salakyan kabangdanan nga siya ang naglapaw sa pihak nga lane kag iya na bungguan ang motor ni Daqueza.
Gina hulat karon sang PNP kun mapasaka sang kaso ang pamilya sang biktima batuk sa nakabunggo.