Patay ang 47 anyos nga tricycle driver nga si Sunday Villar matapos maka bunggo sa isa man ka tricycle kagapon sa highway sang Brgy. Sagua Banwa, banwa sang Valladolid.
Suno sa PNP, paglabay sang tricycle ni Villar sa kurbada nga bahin sang dalan, imbes nga magliko, nagrekta ini sa pihak nga lane kag nabungguan ang naga sugata man nga tricycle.
Samtang sa Valladolid man sang Sabado, patay ang 54 anyos nga lalaki nga gina alegar may diperensya sa paminsaron matapos mabungguan sang jeep sa highway sa Barangay Bagumbayan.
Sa imbestigasyon sang PNP, nagadalagan padulong norte nga bahin sang dalan ang jeep sang hinali mag tabok ang biktima gani ini ang nabungguan sang jeep. Dead on arrival sa ospital ang biktima.