Duha ka persona ang gin bawian sang kabuhi matapos magbungguanay ang ila nga motorsiklo sang kahapon sa highway sa siyudad sang Sagay.
Ang napatay ginkilala kay si Leneil Caro nga sakay sang isa ka motor kag si Renafe Obial nga angkas sang isa ka motor nga gina dala sang iya mister nga si Charlie.
Sa imbestigasyon sang Sagay PNP, nag overtake si Caro sa iya sini gina sundan nga motor kabangdanan nga iya nabungguan ang mag asawa nga naga sugata sa pihak nga linya.
Dead on arrival sa ospital si Caro samtang napatay naman kaina sang kaagahon ang misis.
Padayon naman karon nga ginabulong sa ospital ang mister nga pilason man bangud sang pag bungguanay.