Nagapanghalay sang nilabhan si Jornalyn Omaque sa balay sang iya amo sang aksidente nga matandugan ang kable nga naga angut sa live wire.
Suno kay Hinoba-an Police Chief Maj. Jaynick Bermudez, natabuan man nga yara si Florante Janoy malapit sa iya kag iya ginbuligan si Omaque pero pati siya ang nakuryente man.
Gindala sila nga duha sa Eleuterio Decena Memorial Hospital, pero gindeklarar sila nga dead on arrival.
Ginkadtuan sang Negros Occidental Electric Cooperative (NOCECO) – Hinoba-an ang lugar kag ginkaayo ang electrical hazard para indi masulit ang amo nga insidente.