Makita sa mga litrato nga nagtapik ang mga hipon nga karga sang tricycle sa Toyota Fortuner nga ginamaneho sang menor de edad, matapos magbungguanay sa intersection sang BS Aquino kag Gatuslao Street sa Barangay 3, Bacolod City.
Ang pagbungguanay nagresulta sa kamatayon sang duha ka mga persona kag pagkasamad sang tatlo ka iban pa, kaina sang kaagahon.
Dead on the spot ang duha ka mga pasahero sang tricycle nga ginkilala nga sanday Cheralyn Poja kag Redilla Gamgam, pareho residente sang Barangay Banago.
Pilason naman ang duha pa ka mga pasahero nga si Roda Tipon, Crislyn Joy Poja, kag ang driver sang tricycle nga si Openiano Ayco Jr..
Nag-gwa sa imbestigasyon sang PNP nga padulong norte ang SUV nga ginamaneho sang isa ka menor de edad nga lalaki kag residente sang La Castellana, samtang padulong sa east nga direction ang tricycle.
Nalab-ot sang SUV ang sidecar sang tricycle rason nga nagsaylo ini sa pihak nga lane kag naglabog ang mga sakay sini.
Ang apat ka mga sakay sang tricycle ang mangompra kag magabaligya kuntani sa Libertad Market sang magluntad ang insidente.
Gindala ang mga pilason sa ospital, samtang yara sa kustodiya sang Bacolod Station 2 ang minor nga driver sang SUV.