Nagasakay sa habal-habal ang 35-anyos nga iloy, upod ang duha niya ka mga kabataan, kag ang iya 15-anyos nga utod sang sila ang nakabunggo sa kahoy sa Sitio Matangilon, Barangay Camingawan sa Kabankalan City, Martes sang hapon.
Patay ang 50-anyos nga habal-habal driver kag ang iloy.
Samtang, pilason ang 15-anyos nga utod sang iloy, pati na ang duha niya ka mga kabataan nga naga-edad 5 ka tuig kag ang isa pito pa lamang ka bulan.
Sa imbestigasyon sang PNP, gikan sa Barangay Carol-an sa Kabankalan ang mga biktima kag padulong sa Barangay Tagukon.
Suno kay Police Capt. Sammy Gasataya, deputy chief sang Kabankalan PNP, nagapadulhog ang habal-habal sang nadulaan sang preno. Posible nag-sala sala ang driver, dugang pa nga nag-ulan, gani madanlog ang dalan, kag sila ang nabunggo sa kahoy.
Ang lugar sang insidente ang nabukid na nga area sang Kabankalan kag naga saka panaog ang dalan.
Ang 15-anyos nga manghod kag ang duha ka mga kabataan nga na-ilo sa iloy ang karon naga pa-ayo pa sa ospital.