Duha patay kag isa pilason sa separado nga insidente sang pagpaniro sa Bacolod kaina sang aga. 2 ka milyon ka pesos nga balor sang iligal nga droga ang na recover man.
Patay ang subject sang buybust operation nga si Hilda Rogelio samtang pilason naman ang iya upod man nga subject nga si Xavier Rosales matapos gina alegar mag bato ang duha sa mga katapo sang Regional Police Drug Enforcement Unit sa buybust operation sa LN Agustin Drive sa Barangay Villamonte kaina sang aga.
Sa imbestigasyon sang RPDEU, madaw-anay na kun tani sang kwarta ang subject kag ang operative sang mamutikan ini sang duha kag nag palagyo. Suno sa operatiba,nagpalupok sang pusil si Rosales, resulta nga nagbalos ang mga pulis asta nga nag lawig ang pagbayluhanay lupok sa 10 minutos.
Patay na sang mag abot sa ospital si Rogelio samtang gina bulong naman tubtob karon si Rosales.
Suno sa RPDEU may link sa Divinagracia drug group ang duha kag ang subject nga si Alyas Boss, amo man si Alyas Bro nga gina tumod sadto ni Christian Tulot nga suspek sa pag massacre sa mag himata sa Gardenville Subdivision sa Barangay Tangub.
Nakuha man sa mga suspek ang 52 ka bulto sang gina patihan shabu nga naga balor sa dos milyones pesos.
Samtang.. Patay man sa pag paniro kaina sang aga ang anay bilanggo nga si Benvienido Gellanga.
Si Gellanga ang nag apanglakaton lang sa Purok Boulevard sa Barangay 13 sang siya ang tiruhon sang gunman nga sakay sa motor.
Si Gellanga ang na preso sang tuig 2012 bangud sang kaso nga homcidie kag na release ini sang 2018. Gina hibalo pa sang kapulisan kun may kaangtanan ini sa pag patay sa biktima.