Patay ang 2 anyos nga bata nga lalaki matapos ini mahulog sa bubon sa Brgy. Matab-ang sa siudad sang Talisay sang Lunes.
Sa imbestigasyon sang PNP, ang iloy sang biktima ang nagpadulong sa balay sang iya lola sa Had. Ledesma kag upod niya ang iya 2 anyos nga anak. Nag sako sa pag usar sang iya cellphone ang iloy kag ulihi na sini nadeparahan nga nadula na ang iya anak.
Sang ginpangita, didto kag nasapwan na lang ang bata nga nalumos na sa bubon. Gindala pa sa ospital ang bata apang gindeklarar nga dead on arrival.