Patay ang 2 ka tuig nga bata matapos malumos sa dako nga balde kaina sang aga sa Barangay Nabulao sa Sipalay City.
Suno kay Dionilo Bogtae, pamuno sang Sipalay City Rescue Unit, ginkadtuan anay sang amay sang bata ang isa pa sini ka anak nga naga hibi.
Nabayaan niya ang bata kag wala niya matalupangdan nga nagahampang na malapit sa balde ang iya duha katuig nga bata.
Mahimo suno kay Bogtae nga nakatungtong ang bata kag nag sulod sa balde nga puno sang tubig nga una ang ulo kag wala na ini maka butwa.
Ulihi na sang matalupangdan sang ginikanan ang ila bata nga nalumos gani patay na sang mag abot ini sa ospital.