Isa ang pilason sa pag bungguanay sang duha ka mga truck sa Bangga LTO, Alijis-Murcia Road sa Barangay Mansilingan, sa Bacolod, sini nga Lunes sang kaagahon. Gindala sa Murcia Municipal Health Center ang driver sang Fuso Fighter Truck nga si alias Michael.
Bangud sang impact, naula, nabuka kag naglapta sa dalan ang pila ka mga botelya nga karga sang Fuso nga truck. Nawasak man ang panguna nga bahin sang truck.
Sa imbestigasyon, padulong Murcia ang Fuso truck samtang padulong Granada nga direksyon ang Hino Dump Truck nga may karga naman nga labhang.
Gindala sa Police Station 7 ang driver sang dump truck nga si alias Huberto.