Gindakup sang mga police operatives ang duha ka mga soltero matapos gin-alegar mabaklan sang iligal nga droga sa Purok Cereza South, Barangay 3 sa Bacolod City, Biyernes sang kaagahon.
Ang gindakup amo sanday alyas “Edron”, 19-anyos kag alyas “Ethan”, 18-anyos, pareho residente sang Brgy. 3.
Nakuha sa ila sang mga katapo sang City Drug Enforcement Unit ang 150 grams nga suspected shabu, nagabalor P1,020,000.
Kaso nga pagsupak sa Republic Act 9165 ukon ang Comprehensive Dangerous Drugs Act of 2002 ang ipasaka batuk sa mga gindakup.*