Patay ang duha ka gina-alegar remnants sang nadismantle na nga Central Negros One sang New People’s Army (NPA) sang maka engkwentro sang 62nd Infantry Battalion sang army sa Barangay Sag-ang sa La Castellana pasado las sais kaina sang aga.
Suno kay 303rd Infantry Brigade commander Brig. Gen. Orlando Edralin, lima ka mga NPA ang naka engkwentro sang army, nga ginreport nga nagapatigayon sang recruitment kag extortion activities sa area.
Naglawig tatlo ka minutos ang tiniruhay nga nagresulta sang pagkapatay sang duha ka mga rebelde nga wala pa makilal-an.
Wala naman sang nasamaran sa bahin sang mga militar.
May na recover nga mga armas sa encounter site.
Suno kay Edralin, padayun pa ang pursuit operation sang mga militar sa mga nakapalagyo nga rebelde.