Padayon karon nga ginabulong sa ospital ang apat ka mga persona nga napilasan sa engkwentro nga nagluntad sa Sitio Bulod, Barangay Carabalan, Himamaylan City sa Negros Occidental, sadtong Sabado sang gab-i.
Nalakip sa mga pilason ang isa ka sibilyan nga lalaki, naga-edad 38-anyos, duha ka mga soldado kag isa ka miyembro CAFGU sang 94th Infantry Battalion.
Ang sibilyan ang nagkuha lang sang sweldo sang iya amay sa lugar.
Ginsiling ni Brigadier General Ted Dumosmog, ang commander sang 303rd Infantry Brigade, nagpatigayon sila sang security patrol matapos makabaton sang impormasyon nga may yara sang presensya sang ginapatihan mga rebelde sa lugar.
Naglawaig sang lima ka minutos ang pagbayluhanay sang lupok sa tunga sang 94th IB kag katapo sang New People’s Army.
Yara na sa estable nga kondisyon ang mga napilasan.
Wala naman sang mga residente nga nag evacuate bangud sang engkwentro.
[sibwp_form id=1]