Tigayon nga nag sabat sa subpoena sang National Bureau of Investigation angut sa iligal nga panahor ang duha ka mga punong barangay sa siudad sang Kabankalan.
Suno kay NBI Bacolod Chief, Renoir Baldovino, sa ila nga sabat sa NBI ila nga ginhimutig ang mga alegasyon batuk sa ila. Pero suno kay Baldovino padayon ang ila nga pagtipom sa karon sang ebidensya. Sang Pebrero 15, may gin dakup nga apat ka persona ang NBI kasubong man nag issue sang subpoena sa duha ka punong barangay angut sa illegal operations sang Small Town Lottery sa Kabankalan City.
Ang gina suspetsuhan financier sang amo nga iligal nga operation sang STL isa ka anay elected official nga wala man niya gin hingadlan samtang padayon ang imbestigasyon. Suno sa PCSO ang authorized operator sang STL sa Bacolod kag Negros Occidental ang Super Lucky Beagler, Inc lamang. Nagsulat man ang PCSO kay Gov Eugenio Jose Lacson kag Vice Governor Jeffrey Ferrer nga naga hinyo sang suporta para sa legal nga STL lamang. Suno kay Lacson, dapat nga indi pag suportahan ang iligal.