Gindakup sang katapo sang Hinigaran PNP ang duha ka miyembro sang LGBTQ+ community matapos gin-alegar mabaklan sang ginasuspetsuhan shabu sa Reclamation Area, Barangay 1 sa banwa sang Hinigaran sang Martes.
Arestado sanday alyas “Majimbu/Maja”, kag alyas “Shimay”.
Nakuha sa ila ang 11 ka pakete sang ginasuspetsuhan shabu.
Ginsiling ni Lt. Col. Jovil Sedel, hepe sang Hinigaran PNP nga si alyas “Maja” ang ila target sa nasambit nga buy-bust, apang nadakpan pa gid si alyas “Shimay”, nga ang iya ngalan, nasambit man sang drug personality nga una na nga nadakpan sang kapulisan.
Detained karon sa custodial facility sang Hinigaran PNP ang duha.*