2 ka mga Negrense boxers separado nga maga-compete para sa bakante nga ABF championship belt sa international boxing tournament sa Bacolod.
Excited na sanday Jay-r Raquinel sang banwa sang Cauayan kag John Michael Zulueta sang banwa sang Calatrava nga mapakita ang ila abilidad sa ring kag makuha ang duha ka mga vacant ABF championship belt para sa mga Negrense sa ila separado nga pagsambua sa SMX Convention Center sa Bacolod bwas, Sabado.
Ang 28 anyos nga si Raquinel ang magahampang kontra sa Tanzanian boxer nga si Imane Matendo para sa ABF Bantamweight Championship belt. Samtang ang flyweight championship belt ang awayan nanday Zulueta kag Nomgrich Nantapech sang Thailand.
Para kay ABF President Naris Singwancha, ginakallipay nila nga mabalik sa Bacolod ang ma aksyon nga boxing competition matapos ang pandemic. Ginapaabot nila nga paagi sa pareho nga international boxing competition mas madamo pa nga mga local athletes ang makilala kag matagaan kahigayunan nga mangin world boxing champion.