Duha ka mga motorsiklo nga separado nga gin-carnap ang na-recover sang kapulisan sa Barangay Handumanan kag Felisa sa Bacolod City.
Marso 11 sang wala na makit-an ni Romer Panagsagan ang iya motorsiklo nga gin-park sa gwa sang iya balay sa Barangay Bata rason nga nangayo siya sang bulig sa kapulisan.
Tubtob nga natigayon nga natultulan sang katapo sang Police Station 10 ang iya motorsiklo nga nabaligya na kay Rodrigo Repiso sa Barangay Felisa.
Nag-gwa sa imbestigasyon sang pulis nga ginbaligya ni Robert Sun ang motor ni Panagsagan kay Repiso nga amo ang nagturn-over sang motor nga iya nabakal sa balor nga P7,500.
Isa pa ka motorsiklo nga ginapanag-iyahan ni Arjie Galan ang na-recover sang kapulisan sa Barangay Handumanan.
Ginsiling ni Police Captain Lelanie Lagoting, commander sang Police Station 10, ang anak lang man sang tag-iya sang motorsiklo ang nagkuha kag nagbaligya sang motor sang iya amay kay Jeremy Medil sang Barangay Handumanan.
Si Medil ang nagpakamaayo nga itugyan ang kinawatan nga motor sa PNP. Gilayon man nga na-turn over sang pulis ang mga motorsiklo sa mga tag-iya. Ila na gintugyan sa mga biktima ang pagpasaka sang kaso.