Patay ang 19 anyos nga driver sang motorsiklo kag ang menor de edad nga pasahero sang tricycle matapos mag bungguanay ang motor kag ang gina sakyan nga tricycle sang pasahero sa dalan sa bahin sang Barangay Tinongan sa banwa sang Isabela sang Sabado.
Ang driver sang motor amo si Darren Calsarin kag ang pasahero nga napatay amo naman ang 13 anyos nga si Lyca Eunice Namayan.
Suno kay Police Captain Joseph Partidas, hepe sang Isabela PNP, naga dalagan sa opposite direction ang tricycle kag motor sang sila ang mag bungguanay sa tunga sang dalan.
Pareho madasig ang pag padalagan sang duha suno sa pulis bisan pa madulom ang dalan.
Pilason ang 17 anyos nga naga dala sang tricycle, kag duha niya ka pasahero nga upod sang napatay lakip na ang isa pa ka menor de edad. Pilason man ang angkas ni Calsarin.