Shadow

2 ka mga pulis nga nag positibo sa drug test nag AWOL

Wala na maka report pa ang duha sa apat ka pulis sa Negros Occidental matapos sila nga mag positibo sa pag usar sang iligal nga droga.

Suno kay Police Lieutenant Colonel Joem Malong, spokesperson sang Police Regional Office 6, ang duha ka pulis nga nag AWOL ukon nag absent without official leave, ang isa ka police corporal nga na assign sa Candoni PNP kag isa ka patrolman nga na assign sa Binalbagan PNP.

Suno kay Malong, matapos nga gin disaramahan, wala na maka report pa ang duha ka pulis sa Personnel Holding and Accounting Unit kun sa diin sila dapat nga ma assign samtang sila ang ipaidalom sa imbestigasyon.

Dugang nga administrative charges ang suno kay Malong ipasaka batuk sa ila.

Magluwas sa duha ka nag AWOL nga pulis, may duha pa ka pulis sa NOCPPO nga nag positibo sa drug test, isa ang nag challenge sa resulta sang drug test kag ang isa naman ang naga tubang sang pre charge investigation.

Leave a Reply

Your email address will not be published. Required fields are marked *

Secured By miniOrangeSecured By miniOrange