Patay ang duha ka mga matag-as nga opisyal sang New People’s Army sa nagluntad nga engkwentro batuk sa katapo sang 79th Infantry Battalion sa Hacienda Paraiso, Baranggay Caduhaan sa Cadiz City Sabado sang kaagahon.
Gin kilala ang mga napatay nga sanday Hans Ponteras, Acting Regional Front Secretary kag Finance Officer kag pamuno sang Regional Taxation Implementing Group sang NPA kag Marissa Pobresa, nga amo ang nagaserbe bilang Primary Staff ni Ponteras kag Regional Communication Officer.
Sa report sang 79TH IB, nagtinghua pa nga magpalagyo sanday Ponteras kag Pobresa apang sang nagpatigayon sang clearing operation ang militar, nagluntad ang ika duha nga encounter nga nagresulta sa kamatayon nanday Ponteras kag Pobresa.
Narekober sa encounter site ang M16 rifle, caliber .45 pistol, hand grenade, 5 ka 40mm high-explosive grenades
rifle grenade, short magazine para sa M16 rifle kag duha magazine sang caliber .45 pistol.
Ginkuha na sang ila nga mga pamilya ang bangkay sang duha.