2 ka lineman sang NOCECO ang napatay, isa nakuryente, samtang naga duty ang isa – na stroke samtang pakadto sa trabaho.
Patay ang lineman sang Negros Occidental Electric Cooperative ukon NOCECO matapos nga makuryente samtang naga kaayo sang poste sa Barangay 3, Pontevedra, Negros Occidental, Martes sang aga.
Ang lineman ang ginkilala kay Sarex Alonso, 44 anyos kag residente man sang Pontevedra.
Suno sa PNP, ang upod ni Alonso nga nagakay-o sang poste ang naka-report sang insidente.
Gindala pa si Alonso sa ospital apang gindeklarar siya dead on arrival.
Ang isa pa ka lineman sang NOCECO nga napatay ginkilala kay Joseph Talaban.
Padulong na siya kuntani sa trabaho sang ini siya ang gin-alegar na-stroke.
Nagpasalig ang NOCECO sa pamilya sang duha nga magahatag sila sang bulig pamilya.*