Sakay sa awto ang duha ka mga intelligence operatives nga nagapatigayon sang monitoring pakadto sa headquarters sang Bacolod City Police Office sa Magsaysay Avenue, Barangay Singcang-Airport sa Bacolod City, sang ila nakit-an ang duha ka naga-angkasanay sa motor nga nagasunod sa ila mga las 9 Miyerklues sang gab-i.
Sang yara na sa atubang sang gate ka Bureau of Jail Management and Penology, nagpondo ang mga pulis apang nanaog sa motor ang isa ka lalaki, nag-gabot sang pusil kag nagpalupok sa ila, rason nga nagbalos man ang pulis,
Wala naman sang may naiguan sang bala sa nasambit nga shootout.
Nalagyo ang mga suspek paliko sa Lacson Extension kag padulong Alijis Road, ugaling sila ang na-corner sang nag-augment nga personnel sang City Intelligence Unit sa atubang sang isa ka eskwelahan sa dalan Alijis, Purok Hollowblocks sa Brgy. Singcang-Airport,
Nakuha sa mga suspek ang isa ka STI International, Georgetown, Texas, USA Caliber .45, motor, cellphone kag balor P136,000 nga suspected shabu.
Ang isa sa mga suspek ang may kaso nga robbery sini nga tuig kag ila man gin-ako nga sang Hunyo, may yara sila nga gin hold-up sa Barangay Mandalagan.
Detained karon sa custodial facility sang Station 8 ang duha ka mga suspek.*
[sibwp_form id=1]