Duha ka empleyado sang Office of the Provincial Agriculturist kag isa ka empleyado sang Provincial Engineer’s Office ang ginpasakaan sang grave misconduct angut sa pagbaton sang underspecification nga mga grain dryer.
Suno kay Provincial Legal Officer, Alberto Nellas, Jr. may nakit-an sila nga balasehan rason nga pormal nga ginpasakaan sang grave misconduct nga kaso kanday Engr Jimbo Garsula, Engineer German Abihay nga pareho gikan sa OPA kag Engineer Armin Elias Ciocon sang Provincial Engineer’s Office. Suno kay Nellas sanday Garsula kag Abihay ang ginpaidalom man sa 60 day preventive suspension.
“We just followed the same procedure laid out in the Civil Service Rules, which considering nga ang gin pasaka nga charge is grave misconduct so it follows nga may ara gid na nga preventive suspension for 60 days. This is also same reasoning to protect the evidence at hand kag mga witnesses man to protect it from tampering”, suno kay Nellas.
Sa formal charge naka saad nga ginbaton nanday Garsula kag Ciocon ang grain dryer nga may combined 30 ton capacity bisan pa nga ang yara sa purchase order dapat 36 combined capacity. Wala man sa delivery ang test instruments.
Natungod sini natigayon ang pag release sang halos katunga sa bili ukon 3,237,500 pesos bilang bayad sa contractor sadtong April 7, 2016.
Bisan may kakulang man sa dokumento ukon ang BAC Resolution nga naga tugot sang extension sang delivery, ginbaton ni Abihay ang test intruments nga gin-deliver 2020 na. Sa joint inspection sang Project Management and Support Services Division nga ginpatigayon sang Mach 2022 ang gin deliver nga grain drying system nagapabilin nga non-functional tubtob sa karon.
Wala anay naghatag sang pahayag sa Digicast Negros si Garsula.