Duha ka mga empleyado sang Department of Public Services ang ginpapanaugan sang show cause order bangud sa nadiskubrehan nga gina sige nila patughungan sang krudo ang guba nga heavy equipment sang siudad.
Wala malikawan nga matalakay ang ini nga isyu ni Mayor Albee Benitez sa iya nga first 100 days nga accomplishment report sang Sabado.
Suno sa alkalde, ang nagligad nga admnistrasyon ang nagpatughong sang malapit sa isa ka milyon ka pesos nga fuel kag naubos sa sulod sang tatlo ka bulan.
Sa iya adminsitrasyon humalin sang Hulyo masobra sa sieye siyentos mil pesos ang gingasto para sa produkto petrolyo kag ini ang padayon pa nga gina share sang nagkalain lain nga mga departments.
Ila man na tukiban nga may yara sang duha ka mga heavy equipment sa idalom sang DPS ang padayon nga gina patughungan bisan pa guba na.
Gani ginpapanaugan sang show cause ang duha ka mga empleyado para mapangayuan sang paathag.