Nagapabilin nga unidentified ang duha ka mga bangkay nga nasapwan sa parking area sang First Farmers Holding Corporation, Barangay Dos Hermanas sa syudad sang Talisay, Negros Occidental, sadtong Biyernes, Agosto 29.
Nagakaagnas na ang duha ka mga bangkay sang nakit-an sa hilamunan nga bahin sang lugar.
Ginsiling ni Police Lt. Ramon Juablar sang Talisay City PNP, ang bangkay nga nakasuksok sang itom nga bayo, denim shorts kag Lacoste nga underwear ang isa ka babaye, samtang lalaki naman ang isa nga nakasuksok sang maong nga shorts kag wala sang bayo.
May tattoo ang babaye nga bulak sa nawala nga bahin sang iya dughan kag natu-o nga paa.
Ang lalaki ang may yara naman sang tattoo nga dragon sa iya natu-o nga abaga, samtang may tattoo nga “George Flores” sa iya natu-o nga pa-a.
May narekober man ang kapulisan nga binagtong sang babaye nga may unod nga mga bayo kag school uniform nga nagaduag khaki.
Sa bilog nga bulan sang Agosto, lima ka mga bangkay ang nagkalasapwan sa syudad sang Talisay.
[sibwp_form id=1]