Naga Kurbada kag dulhugon ang dalan nga gina-usoy sang isa ka truck nga may karga nga tubo sa Barangay Minoyan sa banwa sang Murcia, sang gin-alegar nadulaan ini sang preno, Huwebes sang hapon.
Nabunggo ang truck sa isa ka computer shop nga naka-angut sa isa ka balay sa higad sang dalan, kun diin yara ang duha ka mga biktima nga naga-edad 14 kag 15 anyos.
Ginpahayag ni Police Major Sherwin Fernandez, hepe sang Murcia Police, nagahampang sang computer ang mga bata.
Naipit ang 15 anyos sa pang-una nga bahin sang truck samtang nagtabog naman ang 14 anyos sa kilid sang dalan bangud sang impact
Ginsiling sang hepe nga may yara na sang inisyal nga settlement sa tunga sang pamilya sang mga biktima kag tag-iya sang truck.
Suno sa mga residente, masami nga may mga motorsiklo nga nagakatumba ukon naga bungguanay sa lugar, apang ini ang una nga tion nga isa ka truck ang imbolbado kag duha gid ang patay.